Hæ hæ
mikið skelfingar ósköp er búið að vera erfitt að lifa lífinu að undanförnu.
Ég er komin með það á sálina að ég sé allsstaðar fyrir, sé alltaf með afskiptasemi, geri ekkert gagn og það sé bara best fyrir mig að koma mér annað til að þeir sem eru að reyna að vinna vinnuna sína sleppi sér ekki yfir því að hafa mig í kringum sig.
Ég er samt að bögglast við það að vera í skóla og gengur það held ég fínt að öðru leiti en því að vinnuálagið er alveg svakalegt í þessu fagi sem ég er í núna - (Háskólinn er hættur að hafa 13 vikna kennslu, það eru 3 vikna námsskeið og svo útskrifastu úr faginu - og álagið er svakalegt!).
Ég á t.d. að vera að vinna að verkefni sem fjallar um minjagrip/handverk sem fellur að ákv. kennismíð í texta sem okkur var falið að rýna í en... þar sem ég er ekki enn komin með hugmynd um efni - þá er ég bara að vafra á netinu og leiðrétta ósvöruð meil og taka til í lífinu mínu - og losa hnúta sem tengist netheimum = hrossasala, peningagreiðslur og annað!
Halldór minn er orðinn útkeyrður af allri vinnunni undanfarið. Hann var ekkert extra glaður í gær þegar korn-blásarinn/sugan - hvað þetta heitir - var alveg ÓN'YT eftir síðasta notenda - og hann þurfti að byrja á því að rífa hana alveg í spað og smíða í hana e-h stykki sem var brunnið fast og losa hana alla upp af því að hún hafði verið keyrð og keyrð án þess að viðkomandi ath hvernig henni liði - varðandi smurning reimar og annað... grrr - Get stundum orðið svo vonsvikin með honum þegar helv. Búnaðarfél.tækin koma svona mikið biluð til baka - .,... það er sem ég segi þessi bévítans heimur allur er að fara fjandans til - það er ekkert sem heitir virðing við náungan eða sparnaður á verðmæti eða slíkt - þetta 2007 brandara dæmi, er bara því miður enn við lýði hér á Íslandi - held að fólk ætti að fara að átta sig á því að það kostar að eignast nýtt og það sem er ekki farið vel með og er gamalt - eru líka eigur og þeim þarf að viðhalda svo þær gangi en það er óþarfi að leika sér að eyðileggja þær! :-(
Á ekki til orð yfir þessum svokölluðu mótmælum á Austurvelli, fyrir framan Alþingishúsið - ég er svo reið að ég gæti argað og gargað! Að láta sér detta það í hug að skemmdaverk - aðstoði við að kalla fram e-h góðmennsku að hálfu ríkis-embættisins! !!!  Það væri eins og að rétta leikskólabörnum borvél til að leika sér með og verðlauna þau með sleikjó eftir daginn! APAR ALLIR MEÐ TÖLU!
Búskapurinn, gengur annars ágætlega - við erum búin að láta 11 folöld á Hellu í sérvinnslu - af því við erum að selja folaldakjöt Beint frá Bónda og svo erum við að láta frá okkur 16 hryssur á morgun sem eru ekki hentugar í blóðsöfnunina.  Rassmína fer í sláturhús í byrjun næstu viku og ég veit ekki almennilega með lömbin - við þurfum e-h að ath hópinn betur til að velja ásetninginn en... Aron fékk hana Ólöfu, Bergrún hana Prinsessu, Sindri hana Neyðarlínu og Tanja hana Rósu - þegar við smöluðum inn síðast - öll flekkótt og öll alltaf í umræðunni af eigendunum.  Hrútarnir okkar eru týndir - vona að þeir fari að koma fram e-h staðar í nágrenninu!  Veturgamlir: annar frá Bakka og hinn frá Álfhólum.  Reiðhestarnir eru alveg að fara að fara í frí, Júlía verður ekki hér mikið lengur en til 25.okt og stelpan sem kemur á sunnudag í 3 vikur - fer í fyrstu viku nóv. svo Nadine hefur ekkert að gera með 12 reiðhesta heima.  Alfa og Ólga eru í sérdekri - fá að fara það sem þær vilja!  Bergrún sér alveg um sín hross og við eigum ekkert að skipta okkur af því! hehehehe
Skólinn hjá krökkunum gengur vel, allavega eru þau öll uppveðruð að fara og það sem ég sé af verkefnavinnu er allt mjög vel gert og með góða einkunn.  Freysteinn minn er enn að gera mig brjál. vegna ungl.veiki en... eru það ekki réttindi unglinga? Að gera mömmu og pabba brjál???
Valberg er aftur kominn með gleraugu...það var komin í hann alvarleg nærsýni en hann er alsæll með gleraugun og það opnaðist alveg nýr heimur fyrir honum þegar hann fékk þau á nefið! :-)
Jæja, en allavega - fleira er ekki að frétta héðan - nema vinna vinna vinna og verkefni... bæði í skólanum hjá mér og svo hér á bæjarhlaðinu.  Við erum að undirbúa veturinn...- og mikið að starfa við að ganga frá vélum, korni, hálmi og girðingum fyrir vetur!
Þar til næst
Knús í húsin ykkar...
Sæunn
p.s english form later - have to go...
kvSÆUNN