Þá fór loksins að rigna!
Then it suddenly came rain!

Það er venja að það sé þannig að þegar "hangir þurr" þegar spáir regni og Halldór vill bara "slá" til að gera eitthvað -
ÞÁ FER AÐ RIGNA og þetta gerðist í dag - það er búið að spá regni undanfarna daga en svo hékk hann alltaf þurr og ekkert veður var  - en svo fór Halldór að ókyrrast og tala um að fara bara af stað með slátturvélina - OG ÞÁ FÓR HANN AÐ RIGNA! :-))))) Þannig að ef ykkur vantar rigningu þá skuluð þið bara fá Halldór til að setja aftan Í og ég tali nú ekki um að slá austasta partinn af "kúahaganum" - þá er ÖRUGGLEGA AÐ KOMA REGN! :-)))))

En annars er það ekki fyndið hvað það er búið að "hanga" þurrt í sumar - hér eru allir skurðir að verða þurrir - og hrossin finna sér varla deigan dropa orðið fyrir norðan veg - verða að ganga þurran skurðinn norðan úr mýri niður í vega skurð til að komast í rennandi vatn! (sem segir manni að VÍST verðum við að fara að setja upp brynningarkerfi hér í Landeyjum - fyrir skepnurnar líka - Vestmannaeyjarveitan sér okkur fyrir heimilisvatninu en skepnurnar meiga enn búa við það að fá að drekka úr drullupollum þar sem ekki eru tjarnir eins og hér sunnan vegarins eða þar sem löndin liggja ekki að "stóra skurðinum" - og núna er það svo að hér er að verða vatnslaust - (enn er þó tært vatn að hafa sem rennur en vatnsbólið sem alltaf hefur verið notast við er þurrt og hefur verið í nokkurn tíma!) -

Ég sé það líka víða á bæjunum að kindur og hross eru með drullu - en það er árlegt hér í sveit - kannski heldur meira þetta árið - Hnýslasótt tala menn um - lítið um skiptibeit á skepnum en jamm og jæja - kannski ætti að ath með aðrar orsakir líka - Ég veit að bændur verða ekki allir ánægðir með þessi skrif mín hér á miðlinum en áhyggjur mínar eru bara stærri en svo að "eitthvað særi viðkomandi sálir í sveitinni minni"
HVAÐ EF EINHVER ÓVÆRA BERST Í GRIPUM Í BÚÐARBORÐ? (kamb-fýla og salmón-ella!???)
Viljum við bændur að slíkt verði rekið til býla okkar hér í sveit!???

Og tengt þessari umræðu; mál sem aldrei verður leiðrétt en ég hef oft tekið upp og í mörgum myndum -
Hefði til dæmis ekki við sameiningu sveitarfélagsins OKKAR - peningunum sem varið var í að gera upp þessa blessuðu byggingu sem kölluð er Gunnarshólmi -  verið betur varið í að gera OKKUR sveitungunum greiða með því að "lækka kostnað við heimtöku/lagningu á vatnsveitu til handa gripum á býlum jarðanna hér!???" 
Þþað kemur að því að það verður ekki nóg að segja að VESTMANNAEYJAVEITAN - veiti okkur vatn hingað heim á bæina - (hvað með alla kúahagana og hrossabeitarstykkin - og löndin sem áður hefur verið gert ath semdir við og HAFA EKKI RENNANDI VATN!???) (gerist á hverju ári!)
(afsakið en ég er bara enn sár og reið fyrir því að sameining átti sér stað hér í sveit - og að peningunum sem ég veit að þetta sveitarfélag átti - skyldi verið varið í HÚS sem í dag er gersamlega "úrelt" - og sveitarfélagið sem við búum í í dag - hefur eignarhald á! EKKI SATT!???)

Þegar ég var í verknámi í Skagafirði - átti sér líka stað sameining - og íbúar þess ágæta sveitarfélags ákváðu að EYÐA sameiginlegum sjóði í það að taka heim LJÓSLEIÐARA á hvern bæ - (eða var það 3ja fasa rafmagn???) og setja upp ljós á bæjarhlöðin (ljósastaura)! - (eitthvað sem ALLIR í sveitinni nutu góðs af en ekki einhverjir ÚTVALDIR SVEINAR - sem riðu feitum hesti frá útvöldu verki!) (Það verður að hafa það þó þið sem þekkið ykkur hér í umræðunni verðið fúlir en ég hef aldrei legið á skoðunum og ætla ekki að gera það hér!)/Sæunn

En að öðru léttara tali - við erum að mála - gengur bara vel - við ætlum að slá í norðan áttinni sem spáir um næstu helgi - við erum því mjög upptekin og stressuð þessa dagana - stelpurnar nýju eru alveg að komast inn í rútínuna - þær eru líka farnar að þekkja hestana mjög vel - og núna býst ég við að eiga 6 nýja reiðhesta næsta sumar - (fulltamda!)
Við tókum blóð í blíðunni í gær - 18 merar inni og ég vona að þær verði helmingi fleiri í næstu viku! - Okkar merar eru í allt 46 með Skúla merum og afa merum - Pabbi er með 34 merar í safni frá sér og öðrum þannig að það eru slatti margar merar sem safnað er úr á hverjum mánudegi! :-)

Ég var að kaupa mér myndavél fyrir folald - Fuji/digital/með langdrægri linsu og videoeiginleikum - og þá hætti ég vonandi að taka BLÁAR MYNDIR! :-) Búin a stunda það svolítið undanfarna mánuði - og líka myndir sem eru eins og spéspegill - (teygjast í allar áttir!) - 

Er enn að koma húsinu í lag eftir sumarið - (krakkarnir eru búnir að vera mjög iðnir við að týna upp úr kössunum sem var pakkað niður í í vor - en...þetta hefst allt - þá er að kalla á múrarann!  Fann hann í Hvolsvelli eftir allt saman - og ætla að draga hann hingað heim einhvern ágætan dag í ágústmánuði og þvinga hann í múrverk!) -

Blessuð í bili - krakkarnir eru svo óþekk þessa stundina að ég ætla að fara að lesa fyrir þau svo þau sofni - hef ekki taugar í lengri dag! ;-/ (er frekar tæp á taugum í stressinu hér - svo .... takið það inn í myndina þegar þið lesið skrif mín!)

Kveðja Sæunn

Amma - hvað er það kallað þegar fólk sefur svona uppi á hvoru öðru???
Amman - Heyrðu ungi maður  þú ert bara 10 ára og þarft ekki að vita það fyrr en þú verður eldri!
En amma ég verð að fá að vita það!
Amman - það verða að líða nokkur ár þar til ég fræði þig um slík mál - þetta þarftu ekki að vita fyrr en síðar!
Gerðu það - ég þarf að vita það þegar ég kem í skólan á morgunn!?
Amman - Ok - en þú mátt ekki vera að tala um þetta í tíma og ótíma og innan um ókunnuga - ég skal segja þér þetta núna en svo ræðum við þetta betur þegar þú verður aðeins eldri! Þegar tvær manneskjur "sofa" svona saman er það kallað SAMFARIR -
Takk amma -
Daginn eftir er strákur heldur fúll!!!
Amma - er ekkert að marka þig - þú sagðir að það héti samfarir þegar tveir sofa svona ofan á hverjum öðrum en kennarinn kallar það bara KOJUR!!!

hahaha