There are many fish in the river!

Mikið að gera - aumingja ég er svo ofhlaðin verkefnum að í dag er ég alveg í stóra stopp - veit ekkert hvar ég á að byrja eða hvert ég á að halda -...
Verkefnin í skólanum hlaðast upp - ég er alveg að drukkna og svo er ég komin með risa hnút í magann vegna fermingarinnar - OH BoY OH BoY!
Varla nokkuð farin að undirbúa neitt! :-(
Námsskeið í Reykjavík á morgun og föstudag varðandi matvæli og matvælaöryggi og ... svo er ég á leið að ganga frá Gestabók/upplýsingamöppu með henni Helgu á Lambafelli - um Lambafellið og gistiheimilið í Edenborg.
Bergrún og hennar reiðkúntir verða líka í brennidepli næstu klukkutímana - en Æskan og hesturinn verður um helgina og haldið ekki að daman eigi að vera þar á hesti! Reiðskólinn í Hestheimum ætlar að taka þátt og Skruddan okkar ætlar að sýna sína fimi á hesti ásamt reiðskólakrökkunum þar!
Mikið hlakka ég til.
Halldór minn er með traktorinn okkar bilaðann úti á hlaði - stóra stopp að þessu sinni - grrr
Barkinn fyrir olíugjöfina gaf sig og svo er aftur eitthvað kúplingarvandamál í honum -
Vona bara að Atli hafi bráðum tíma til að hjálpa bestasta besta bró við viðgerð.
Nýja vinnukonan aðlagast vel - er eins og herforingi með þeim Halldóri og FLó úti - og fjósatíminn hefur styðst um næstum því klst bara við að fá hana í hús,  Það hlýtur því að hvíla karlinn minn...enda veitir honum ekki af þegar mesti annatími í sveitinni er rétt handan við hornið.
Krakkarnir eru farnir að telja dagana fram að páskafríi... enda lái ég þeim það ekki...ég sjálf er að gefast upp á skólanum núna!  Bergrún samdi við mig í gær um að hún fengi að hætta að vera svona mikið í skólaskjólinu (eftirsetuprógramm fyrir krakka sem vilja t.d geta leikið við önnur börn eða eiga foreldra sem vinna lengi fram eftir degi!)  Og það var samþykkt af okkur foreldrunum svo núna kemur hún heim kl 3 alla daga með skólabíl en ekki 5.
Við bíðum enn eftir rúningsmanni.  Mjólkin í fjósinu hefur aukist um 200 Lítra á hvern mjólkandi grip í fjósinu síðan síðustu uppl þess efnis bárust í hús og við erum með gott heilbrigði í fjósinu - hinsvegar er Silví lasin aftur - síðasti séns og Carmen er bara sett í kálfa en verður svo afhausuð!
Mikið er að gera við að flytja kjöt suður í Frú Laugu og ég sagði það í gleði minni yfir því um daginn að sennilega þyrfti ég að eiga helmingi fleiri nautkálfa til að láta dæmið ganga upp - en... það er strax kominn ákveðinn misskilningur í málið svo ... ÉG ER EKKI AÐ KAUPA KÁLFA!
Við erum að fara að láta flota í WC-herbergisgólfið niðri - við fyrsta tækifæri - á að kaupa 3.5sinnum1.5 af múrfloti og í 1tommu lag hjá BM-Vallá og svo verður flísalagt fyrir mig þegar flotverk verður búið - þá get ég flutt þvottavélina og þurrkarann inn á WC niðri.
Tommi er að smíða hurðir og skápa til viðbótar því sem komið er í eldhúsið, svo allt er á réttri leið!
Næstu skref eru að taka sér tak í tiltekt úti við!
Bergrún og Angie fóru saman og týndu rúlluplast af girðingum en eru bara hálfnaðar við verkið.
Hesthúsið er fullt af drasli sem þarf að henda á haugana og svo þarf að fara að klippa tré og sinna um blómabeðin hvað úr hverju!
Jæja - nóg komið er svo svefnsækin eitthvað með Halldór hérna hrjótandi á bekknum við hliðina á mér - langar líka að leggja mig smá eins og hann...ætli þetta sé veðrið sem veldur?
Kv Sæunn
p.s myndir