Question asked!

Héðan er allt gott að frétta, frúin á bænum er að drukkna í verkefnum - og kemst yfir lítið sem ekkert þessa dagana, því skipulagið er að sjálfssögðu ekkert - eins og von er vísa á bæ sem byggir afkomu sína á mjög skipulögðu kaosi!

En karlinn brillerar á hliðarlínunni; setti 6 kýr í yfir 30 lítra af mjólk í síðustu vikt = Silvi, Luna, Rassmína, Maja, Sóley og Tamara; tankarnir eru ennþá fullir eftir helgarnar - og svo mikið að það flýtur yfir.  (yfir 700L á dag).  Gæðin eru náttúrulega úrvals - en við stefnum samt ekkert á skeið; því of oft á tímabilinu hafa gæðin dottið úr úrvalsflokk í 1sta flokk.  En við strekkjum alltaf í úrval!
Halldór er líka langt kominn með að gera við allt sem búið er að fara í taugarnar á okkur í 2-3 ár innandyra í fjósinu. Og það stendur til að halda áfram við þá vinnu í sumar; en Einar og Bjössi hafa tekið að sér að skipta út gólfinu sem eftir á að skipta út. Og ætli við bætum ekki við 2-3 básum og færum sjúkraaðstöðuna/burðarstíuna líka.  Spennandi tímar framundan!
Vanamálið á bænum er að traktors - dótið okkar er að bila eina ferðina enn.  DRASL!
Vona bara að bræður séu bestir eins og venjulega og verði fáanlegir til að aðstoða við viðgerð á Deutz eina ferðina enn. Beðið er eftir rúningsmönnum - en þeir töluðu um 15.mars. - sem mér finnst reyndar helv. seint í ári... en... við bíðum bara.

Mér miðast námið vel... á í lok þessarar annar; 2 fög eftir í útskrift. Hinsvegar er hugurinn svo mikill núna að mig langar að klára BA - námið í ferðamálafræðinni; sem þýðir lengingu á veru í skóla um 2 annir + heilt ár sem áætlað er að taki að skrifa og verja BA ritgerð! ?  Veit ekkert hvað ég á að gera en þetta er að krauma innan í mér = Og svo segir Bergrún mín grátandi; Til hvers varstu að fara í þennan leiðinlega skóla?  Þú ert aldrei heima! :-(  Svo það stoppar í mér hjartað og dregur úr vilja! :-(

Heike vinkona mín sendi mér; Kompás - að gjöf með nýju vinnukonunni á bænum; í gær! Það var nefnilega þannig að hún hringdi í mig á Hólum og komst að því að ég væri að læra að villast í íslenskri náttúru (Gönguleiðir og leiðsögn = RÖTUN).  En í jokinu okkar á milli = endaði með því að hún setti áttavita í töskuna hjá vinnukonunni minni; til að tryggja að bestasta besta ég væri nú ekki alveg LOST í þessum fræðum! :-) hehehe

Fló er hér ennþá, og verður - ef þið eruð að velta því fyrir ykkur.  Og ég ætla líka að krækja MÉR Í duglegan strák í sumar til að vinna hér.  Svo við Halldór getum tekið okkur smá frí frá önnum við búið - en við höfum ekkert farið saman síðan ferðina góðu niður um allt Þýskaland fyrir árum.

Löppin á mér var sprautuð um daginn; og það er skemmst frá því að segja að ég á mér líf!  Skyndilega get ég sofið allar nætur og ég er verkjalaus; nema hnéið á mér er að bila.  En öklinn er styrður og ég á að fara í sjúkraþjálfara.  Kannski ég geti bara bráðum ellt ykkur öll uppi og sparkað í rassinn á ykkur sem hafið eytt tíma ykkar og gleði í að gera grín að mér! :-( heheheh

Krakkarnir eru í fríi í skólanum í dag. Og við eigum að fara á kennarafund með þeim kl 11 til 11.30.
Freysteinn hleður inn 10unum þennan veturinn; er kominn með 5 sinnum 10 í stærðfræði og er kominn í framhaldsskóla Ensku (þó hann sé bara í 8 bekk).  Valberg og Bergrún eru líka að standa sig vel, sérstaklega í músíkinni - enda afburða "lagleg" hehehehe...

Það styttist í fermingardaginn; og ég er með allt niður um mig í þeim málum.  Næst þarf Tommi að koma hér við til að gera hitt og svo þarf Kristín að mæta til að gera þetta og þegar þau verða búin að gera hitt og þetta þá get ég farið að setja allt í rusl og drasl á bænum til að gera fínt fyrir komu allra bestustu bestu veislugestanna.  Halldóri finnst þetta ekki mikið mál - við verðum í Gunnarshólma með veisluna og íbúðarhúsið LÆST til að enginn þurfi að koma hér við og trufla okkur í heimilinu.
Ágæt lausn en þar sem ég á BARA ættingja sem sjálfssagt vilja gista einhversstaðar; er lágmark að geta boðið liðinu til bælis í "tilteknu" rými.  Ekki á ruslahaug!

Jæja en... núna er ég búin að skrifa frá mér allt vit.  Og ég er hætt í bili.
Ætla að setja inn myndir af lífinu hér undanfarna daga - sem finnast í myndum!
Kíkið við.
Kveðja Sæunn