Sunday, first day off conformation!

Fórum í kirkju í dag - í Akurey.  Með fermingardrenginn okkar  - Freystein, sem fær það óþvegið þessa dagana, (hí, hí hí!!!). Óþverrar þessir foreldrar hans!!! Hefur fengið að heyra það að við séum að hugsa um að ganga í ÁSATRÚARFÉLAGIÐ - þeir ferma ekki!!! - Okkur langi að reyna í ca 1 ár, bara svona til að upplifa það hvernig söfnuðurinn er og svona!!! :-))) Og svo höfum við líka sagt honum að vegna þess að það er kreppa er ekki hægt að eyða peningum í einhver veisluhöld og óþarfa pakkakaup og svoleiðis, við verðum bara að SPARA.  Við bara förum og látum ferma hann og förum svo í Hvolsvöll að kaupa ÍS hjá Finnsa í Björkinni og svo getur hann fengið eitthvað "gamalt" ónotað dót - sem Halldór fékk í jólagjöf en leyst ekkert á og opnaði aldrei.  Og já, það er búið að bjóða honum að fá 100.000 kr - inn á bankareikning, og þá getum við sleppt öllu tali um veislu, pakkakaup og fermingarfræðslu!!! :-))) hahaha
Ekkert virkar!  Við erum ennþá jafn hallærisleg!!!  Veit bara ekkert hvers vegna????

Við erum hinsvegar búin að ákveða það með hinum; syndurunum - að ferma barnið okkar 25. apríl á næsta ári - (bara svo þið vitið hvað syndarar eru - þá er staðan sú að af 4 fermingardrengjum sem ferma á í A-Landeyjum á næsta vori, eru allir foreldrarnir ÓGIFTIR!!!, en samt komið að fermingu og SÍÐASTA BARN FERMT á EINUM BÆ!!! Þvílík synd! - Presturinn ætlaði í næstu messu að nefna það í pretikun sinni að sennilega væri það öll þessi gæsun og steggjun sem fældi Austur Landeyinga frá altarinu, og ætlaði að fara fram á það við söfnuðinn að hann "sleppti öllu gamni" þar til brúðhjónin sjálf tækju til "gamanseminnar" á sjálfa brúðkaupsnóttina!!! / Það gegni ekki að fæla fólk frá vegna vinanna sem vildu líka fá sína skemmtun út úr brúðkaupinu - .... hahahahaha ....)

Þeir sem þetta lesa, merki inn á dagatalið næsta ár - að 25.apríl er FERMINGARDAGUR á Lágafelli, og sama dag á Halldór afmæli, svo vinsamlegast safnið líka í pakka fyrir hann!!! ;-))) Annars fer hann í svo mikla fýlu, en hann verður nýkominn úr baði þennan dag - "fer alltaf í bað á afmælinu, jólunum og áramótunum" - hahahaha - 3 öruggir dagar á ári!!! (hann sagði þetta sjálfur!)

Humm -
Fló bar dauðum kálfi um daginn, veit ekki hvort ég var búin að segja ykkur það.  Hún er svo biluð á einum spena og mjólkar lítið enn sem komið er.  Solla er líka borin, kvíga þar.  Náðist upp úr skurði rétt áður en það kom myrkur fyrir 3 dögum eða svo...- Kýrin er stálslegin og var sett saman við í tankinn í morgun.

Keyptum okkur 2 hrúta um helgina, einn á Bakka og annan hjá Butrubóndanum - þar með eigum við orðið 3, því það er sennilega kominn hálfur mán síðan við versluðum lambhrút í Álfhólum. 
Allir koma með alveg nýtt blóð í okkar stofn, þó svo Butru - hrúturinn gæti verið svolítið skyldur okkar, en hann keypti sér kollótt frá Smáhömrum á Ströndum í fyrra haust, og ég hef svolítið sætt með Smáhamrasæðishrútunum!/En nú er bara að kanna hvort bókhaldið heldur!!!

Fór á fjárræktarsýningu í Hvolsvelli í gær og sá að það er enginn í þessari sýslu með almennilegt fé!
Allir með hyrnt drasl.  Sem gerir ekkert annað en að bora hornunum í lærin á þér!!!
Ég ætla á næsta ári með almennilegt KOLLÓTT - til að sýna mönnum/konum, almennilegt fé!!! ;-)))

Annars er það ekki einleikið þegar maður talar um fé, hvað þær eru líkar þessar skjátur þegar maður þekkir eitthvað til... Sara vildi ólm selja okkur hrút um daginn, en mér fannst hann svo líkur mínu fé að ég vildi hann ekki.  Enda kom það á daginn að hann var undan Langadal - sem er búið að nota hér margoft og Dal líka, svo það hefði ekkert orðið um þessi blóðskipti mín ef ég hefði ekki farið að spyrja og bara leyft henni að selja mér þennan sem henni fannst bestur og boðlegastur!
Eins í dag, en þar fékk ég engu ráðið.  Við keyptum þennan frá Smáhömrum af því að Halldóri fannst hann fallegastur, en ég hef svolítið notast við það fé í sæðingum.  Hinsvegar er það ekki víst að það sé verra, því að þetta eru gimbrar sem keyptar voru að Butru - og Hrútur alls óskyldur þeim er faðirinn, svo... JA - er ég ekki komin í nýtt blóð!??? Svona næstum!!! :-)))

Vá - tala í tómu tjóni.  Finnst það alltaf svo finndið þegar ræktendur eru að tala um ræktun. Og svo eiga skepnurnar aldrei MÓÐIR - bara FAÐIR.  Og er ég ekki nákvæmlega komin inn á sömu braut!?
Hestamenn eru sérstaklega lagnir við þetta - Já og svo keypti ég mér folald... eða notaði hest.  og þvílíkt gæðingsefni.... en hver er móðirin???  Já, það er nú bara hún Skálda frá Leyni.  Og það kemur málinu lítið við!!! :-))) hahahahaha -  Mikið djöfull er þetta alltaf fyndið!!!! hahahaha

Af öðru -
Karó okkar er sennilega búin að gjóta hvolunum sínum einhversstaðar úti, og eitthvað komið fyrir þannig að hún er nú TÓM (allt farið úr leginu/sást í sónar) og mjólkin að hverfa úr henni - og við fáum þar með ekki neina hvolpa fyrr en reynt verður næst þegar hún verður lóða! :-(((  Leiðinlegt!!!
Og okkur sem hlakkaði svo mikið til!!!

Úfff - er orðin galtóm af fréttum til ykkar. Ætla að hafa matinn til og sækja svo krakkana út á Gularás, en þau fengu að fara þangað í heimssókn í dag eftir að þau kláruðu að læra heimaverkefnin sín og gengu frá dótinu sínu fyrir skólann á morgun.   Verðum að fara að taka á því að þau eru ekki tilbúin þegar skólabílinn kemur hér við á morgnanna - ...Sérstaklega Freysteinn, sem finnst bara sjálfssagt að láta bíða eftir sér og sama hve oft við biðjum hann að vera tilbúinn... Hann finnur alltaf ástæðu til að GLEYMA EINHVERJU eða MUNA ALLT Í EINU EFTIR... sem er óþolandi - af því stundum finnst mér eins og hann sé bara að þessu til að ergja okkur!!! :-(((

Vona að þið hafið það gott þar til ég blogga næst!
Kveðja Sæunn