Sæl -
Settist fyrir framan tölvuna í morgun kl.8.30 og skellti mér í próf á Moodle - sem er "vefur" Nema við Hólaskóla en í dag frá 08.00 - 23.55 í kvöld er PRÓF - í Rekstri - og ég ákvað að það væri ekki eftir neinu og bíða og skrifaði prófið - sem tekið var á tíma (frá því maður skrifar sig inn - þar til próftíma lýkur eru 60 mínútur taldar niður og prófið lokast sjálfkrafa eftir það)  - og ég lauk prófinu - núna fyrir korteri síðan! - .... Fyrsta prófið í áraraðir - og merkilegt nokk - ég skyldi bara nokkrar spurningar!
Ég er ÞVÍLÍKT ÁNÆGÐ MEÐ MIG! ;-)))

Héðan er annars allt gott að frétta -
Það er kominn vorhugur í okkur - Við gætum alveg hugsað okkur að fara að vinna í flögum og koma frá okkur því sem hægt er að gera í sambandi við "FLAGVINNU" - en hér eru miklir ruðningar á túni sem þarf að fara að koma í skurð sem á að loka og Ýta til í flögum sem á að sá korni í -. ...
Það var reyndar alveg geggjað veður í nótt - Hagl og ROK - en jörðin er strax orðin auð og túin frekar græn um að litast - og ENGIR POLLAR - svo það getur ekki verið mikill klaki í jörð!???

Við þurfum að fara að verða harðari við vinnufólkið okkar - því að hingað til hefur í raun ekkert þurft að taka á því til vinnu hér - það hefur bara verið svona NORMAL vinna á okkur - og lítið stress en Halldór var bara síðast að tala um það í gær að sennilega fari sveitungar hans og eigendur í Búnaðarfél.tækjum að verða frekar stressaðir - MEÐ VORVERKI og þá verður allt vitlaust!

Ég er búin að skila af mér stærstu verkefnunum í skólanum núna - á reyndar að skila einni stórri ritgerð núna á afmælisdaginn minn - Um;
Eiginleika íslenskrar náttúru og möguleika hennar í ferðaþjónustu og svo VIÐSKIPTAHUGMYND - þar sem ég geri grein fyrir fyrirtæki sem ég gæti hugsað mér að stofna og koma á laggirnar - og sýna fram á það frá A-Ö hvernig og að hugmyndin sé raunhæf; atvinnulega, fjárhagslega og rekstrarlega - en skil á þessari grein eru ekki fyrr en 12.Apríl - (þar með er ég líka útskrifuð úr þessu fagi!) - ...og svo er stórt próf í Náttúru Íslands 14.maí... en ég ætla nú ekki að fara að æsa mig yfir því núna - EINN DAGUR Í EINU! -

En það fyndna við allar þessar vangaveltur er að "stjörnuspáin mín" fyrir daginn í dag hljómar svona;

Það getur oft reynst erfiðara en virðist í fljótu bragði að laga hluti sem hafa verið látnir dankast lengi. Einn góðan veðurdag stendur þú uppi sem sigurvegarinn.

Og ja - ég get bara ekki annað en brosað ...
Það er bara fyndið að ég fái á mig svona skot - því að ég hef verið mjög gjörn á það að lifa fyrir EINN DAG Í EINU - undanfarin ár - og hef ekki mikið skipulagt framtíðina - Hvað þá vandræðast yfir því sem betur hefur mátt fara - ... ef ég hefði nú bara skipulagt hlutina...

En e.t.v. þýðir þetta líka að EF ÉG MUNDI EINHVERNTÍMA SPILA Í LOTTÓINU - þá yrðu heilmiklar líkur á því að ÉG VÆRI SIGURVEGARINN!??? EÐA HVAÐ!???

Nei... nóg af fíflaLátum...

Krakkarnir eru allir við hestaheilsu - Freysteinn búinn að fara í Skólaferðalag að Reykjum í Hrútafirði og í gær í Skíðaferðalag upp í Bláfjöll -
Valberg minn - strauk að heiman um daginn - vegna ósættis yfir nýju tölvunni og hvað má og má ekki inni á heimilinu - ... Strokumaðurinn hentist út um dyrnar og skellti á eftir sér í miklum ham en læddist svo aftur inn í forstofu með stút á vör og fór í jakka, húfu og vettlinga - og tilkynnti okkur að VIÐ VÆRUM EKKI ALMENNILEGIR FORELDRAR - HANN VÆRI STROKINN ÚT AÐ GULARÁSI - og þar með strunsaði hann sína leið ... - þar til mamman fékk tækifæri frá pottunum og tiltekt - eftir Gumma frænda - en hann var búinn að brjóta niður heilan vegg - sem teppti innganginn inn í húsið - svo þurfti að ryðja út úr húsi - áður en mömmur fóru að huga að stroknum drengjum -...
Og ja ... hann var næstum kominn út að Skíðbakka til Hlínar og Bigga - þegar mamman fann hann - og var í góðum félagsskap þeirra Kráks og Skunda (hundarnir á Skíðbakka)... Svo hann vantaði ekki félagsskapinn - ... En hann var fljótur inn í bílinn þegar ég kom  - enda bæði KALDUR og ÞREYTTUR  og var löngu runnin reiðin!    Greyið að eiga svona ómögulega foreldra!
Bergún var alla síðustu helgi í dekri hjá mömmu og pabba - Hún er búin að velja sér SITT herbergi hjá ÖMMU OG AFA - en nýbyggingin á Baugsstöðum og uppbyggingin - gengur vel - og það er komin heilmikil mynd á bæinn þeirra - sem verður rosa HÖLL þegar upp verður staðið!

Boli fór í sláturhús í vikunni sem leið og Sokka og Dögg líka - svo vinna í fjósi hefur minnkað heilmikið og svo stendur til að henda klárunum hans Gumma frænda út í kuldan um helgina en hann hefur fengið vinnu og ætlar að bruna heim á Sunnudaginn - (vonandi ekki alfarinn! En verður ekki lengur "eins og grár köttur" á Lágafelli - með puttana í ÖLLU! )
Húsið hefur breyst heilmikið síðan hann hóf að dvelja hjá okkur - og allar mínar hugmyndir um breytt og bætt not á húsinu - hafa skriðið af stað - þó svo þeim sé hvergi nærri lokið -.... og Tölvukaup og VSK hafi sett enn eitt strik í reikninginn - hvað varðar kaup á nýrri eldhúsinnréttingu - En veggir hafa færst til - og dyragöt og hurðir fengið aðra staðsetningu - Þannig að nú eru herbergin nærri alveg skilin frá aðal-svæði húsins - sem er Eldhús, matsalur og stofa - ÞAR SEM MESTUR UMGANGUR ER ALLA JAFNA Í HÚSUM - ... og munurinn á húsinu er ótrúlegur!
LOKSINS FINNST MÉR EINS OG ÉG EIGI HEIMA HÉRNA! Vona bara að framkvæmdir haldi áfram og áfram ... því að það er FERMING á NÆSTA ÁRI - á Lágafelli - HUGSIÐ YKKUR!
Ég er bara orðin kerling í ORÐSINS FYLLSTU!

Jæja - held ég hætti núna - en það detta inn myndir af öllu og engu í dag - bara svo þið fáið séð hvað við erum að gera dags daglega!

Carmen - íta mín ... Ertu að koma um helgina?  Ohhh - það væri svo gaman að fara að sjá þig!
Hlakka mjög mikið til!  En annars sjáumst við bara síðar! Og vona að þér gangi vel!

Kveðja og
Sæunn