Hæ hæ!
Ég veit ekki hvort þið vitið það en  ég varð þeirra gæfu aðnjótandi í æsku að eiga heima í Vestmannaeyjum - dvaldi þar yfir vetrartímann því þar áttu mamma og pabbi heima og stundaði skólagöngu í Barnaskóla Vestmannaeyja -
Vestmannaeyjar voru fyrir mér sem barn "heima" - Mér leið vel  í Eyjum - Allir þekktu alla og andrúmsloftið þar "úti" var allt öðruvísi en upplifunin af því að eyða öllum sumrum í sveit hjá ömmu og afa (en þá hófust sumrin oft í byrjun apríl og enduðu ekki fyrr en eftir réttir á haustin) - Ég veit ekki hvaða minning það er frá veru minni í Vestmannaeyjum sem gerir það að verkum að ég ÞOLI EKKI UMRÆÐUNA UM NÝJA BAKKAFJÖRU HÖFN Í DAG! -  Sjarminn fellur allur af þessari Paradís og mér finnst Vestmannaeyingar sjálfir mála svarta mynd af veru sinni þarna úti! -

Mér finnst í fyrsta lagi - Vestmannaeyjar - EYJAR - og þar búi EYJASKEGGJAR því þeir kjósa að búa á EYJU - og þá verða þeir að sætta sig við einangrunina sem því fylgir!
Í öðru lagi - finnst mér - sem eiganda jarðar í Landeyjum og vitandi það hvernig veðrin geta orðið bæði hér og í Eyjum - að það sé svolítið verið að "leika sér" að peningum skattgreiðenda - og að landinu mínu Íslandi!

Uppbygging í Bakkafjöru er ekkert smámál - Hér í Landeyjafjöru er Landgræðsla Ríkisins búin að stunda "uppgræðslu" í 50 ár og enn þann dag í dag - sést afrakstur þeirra vinnu ekki - því að sandurinn hefur svo mikinn eyðingarmátt að hans kraftar eru búnir að "sverfa burtu" margar jarðir hér fyrir neðan mig og eftir standa eyðibýli og nöfnin jarðana ein - Sandurinn fýkur í mörg þúsunda feta hæð þegar góðar Austan áttir ríkja - svo stundum er eins og hér sé "þoka" - og yfir lendur hér efra leggst "rykið" - sem gerir allar gluggakistur á mínum bæ - reglulega grásvartar af sandi!

Að græða upp þetta land er mikið meira mál en talað er um - að maður tali nú ekki um alla sandbleytuna sem hér er fyrir neðan í svokallaðri "Gljá" - Þar fór t.d í frostum í fyrravetur - nýleg grafa á kaf í sandbleytu og hún var á "beltum" - svo þið getið rétt ímyndað ykkur hvernig það verður ef - menn ætla sér að fara að græða upp landið þarna á VENJULEGUM DRÁTTAVÉLUM MEÐ TENGIVAGNA!

Ég hef líka vissar efasemdir um að þegar menn eru búnir að semja um gerð hafnarinnar - en taka ekki stystu leið upp á þjóðveg - heldur klína veginum upp allan vestanverðan farveg Markafljóts upp á þjóðveg - Mikið lengri leið en ef farið yrði upp með árfarveginum að austanverðunni - (í minni sandi því þar undir er styttra niður á klöpp) - og - svo er ég líka mjög á móti því að brjóta niður efni í Hamragarðaheiðinni - til undirbyggingar vegslóðans niður í höfn - "því að ég sé ekkert ath.vert við það að Vestmannaeyingar leggi til grjótið sjálfir" búandi á eyju sem er ekkert nema grjótgarðar allt í kring!

Er ekki verið að tala um atvinnuleysi og togara sem bundnir eru við bryggju af því að þeir hafa ekkert að gera á sjó í Eyjum!? Þar sem ekki er nóg af atvinnu fyrir alla - þarf að gera bætur og þær eru ekki gerðar með því einu að búa til höfn - og láta vinnuna alla falla í hendur fólksins á fastalandinu!

Því ekki að brjóta niður Ystaklett og flytja hann í hafnarstæði í Bakkafjöru!???  :-)
Það mundi allavega skapa atvinnu og verkefni fyrir alla þessa tómu dalla þarna úti!

Annars vil ég sem gamall Vestmannaeyingur - bara segja við þá Vestmannaeyinga sem endilega vilja auknar samgöngur við Eyjar -og finnst veran í Eyjunum ómöguleg í alla staði vegna einangrunarinnar og félags-/atvinnuuppbyggingar -
"Það eru lausar íbúðir eftir Kanan á Keflarvíkurflugvelli" - það besta í stöðunni og ódýrast er að flytja alla Eyjaskeggja upp á land - og finna þeim stað á vellinum -
(nóg pláss fyrir alla) - og svo geta þeir farið út í Eyjar í sumarleyfum!
Þá heldur Eyjan mín að áfram að vera SANNKÖLLUÐ PARADÍS!