Æðakerfi líkamans skiptis í þrennt

Slagæðar
Bláæðar 
sogæðar

Ég ætla hér að fjalla um sogæðarnar - því mér er sagt það af lækninum mínum að það sem ég er að glíma við þessa dagana sé sogæðabólga! -

því að hann segir mér að í öll æðakerfi líkamans getur komið upp sýking -

Sogæðabólga er sýkning -
Í hverju líkamskerfi eru hópar sogæðaeitla og hafa þeir síunarhlutverk! 
þar eru bakteríur, vírusar, dauðar frumur og ýmis eiturefni brotin niður og skilin frá! 
Sogæðarnar gegna mikilvægu hlutverki í vökvajöfnun um líkamann!
Í þeim ferðast prótein og síaður blóðvökvi aftur út í æðakerfið!
Þetta kerfi í mér er semsagt eitthvað lasið! - Og veldur því að mér er sífellt kalt, ég er alltaf með verki, eitlarnir á mér eru rosalega stórir og ég er síþreytt - því ég sef svo illa vegna verkjanna!!!

Sýkingar sem þekktar eru í sogæðakerfinu eru;
Sogæðabólga - og sogæðabjúgur!

En hvað er sogæðabólga?

Umhverfis allar frumur í líkamanum er vökvi sem er kallaður millifrumuvökvi og er hann nálægt því að vera 15% af líkamsþyngdinni. Þessi vökvi endurnýjast stöðugt vegna leka út úr háræðunum og hann tæmist út í sogæðakerfið eða öðru nafni vessaæðakerfið. Sogæðarnar liggja í gegnum eitla, sem gegna m.a. því hlutverki að hreinsa sogæðavökvann af sýklum, og opnast að lokum inn í bláæðakerfið í brjóstholinu. Ef sogæðarnar skemmast eða eitlarnir eru fjarlægðir, truflast frárennsli millifrumuvökvans og þá myndast það sem er kallað sogæðabólga, sogæðabjúgur eða vessabjúgur.

Sjúkdómurinn leggst nær eingöngu á konur! Og það virðist vera mjög lítið hægt að eiga við hann því lítið er hægt að hjálpa sjúklingum með sogæðabólgu.
Það er stundum hægt með ýmsum ráðum að halda bólgunni/bjúgnum niðri, og sumar fá einmit stundum einkenni en góð hlé á milli. Þær sem hafa króníska sogæðabólgu geta sig eiginlega hvergi hrært.

Minnsta álag/áreiti á handlegginn(ina) veldur auknum bjúg/bólgu með tilheyrandi verkjum og restin af skrokknum drabbast niður af einskæru hreyfingarleysi. Sem er ömurlegt því að stundum finnst mér ég alls ekki geta hreyft mig! Þrjóskan ein rekur mig áfram!  Það er skelfilegt að geta sig hvergi hrært!

Það er sama hvar leitað hefur verið á netinu; enginn virðist geta gefið upp neitt sérstakt æfingaprógram og mótsagnirnar eru óteljandi. Það helsta má samt súmmera í: ekki teygja á, ekki lyfta/halda á neinu yfir 2 kg, ekki fara í heita potta/sólbað eða sitja fyrir framan arineld, ekki sveifla útlimnum, ekki láta hann hanga, ekki verða fyrir hnjaski/fá sár/láta sprauta sig/mæla blóðþrýsting, og helst ekki fara í flugvél.

Er eitthvað eftir til að lifa fyrir?

Sogæðabólga getur átt sér margar orsakir, meðfæddar og áunnar.

Meðfædd sogæðabólga er til staðar hjá einum af hverjum 10 þúsund einstaklingum, hún getur byrjað skömmu eftir fæðingu eða ekki fyrr en eftir 35 ára aldur.   Er ég orðin svona gömul!??? - Eða fæddist ég með þetta!??!?

Áunnin sogæðabólga er vegna skemmda eða stíflu í áður eðlilegum sogæðum.
Síendurteknar sogæðasýkingar (vegna baktería) leiða oft til langvarandi sogæðabólgu en algengasta orsökin á heimsvísu er þráðormasýking (filariasis).  Þáðormarnir geta stíflað sogæðar, valdið langvarandi sogæðabólgu og stöku sinnum því sem kallað er fílsfótur (elephantiasis). OJ BARA!!! :-(((

Aðrar orsakir sogæðabólgu eru skurðaðgerðir og geislameðferð við brjóstakrabbameini sem geta valdið sogæðabólgu í handlegg og af sjaldgæfari orsökum má nefna berkla, snertiofnæmi og iktsýki.

Sogæðabólga er oftast sársaukalaus en útlimurinn er þrútinn og þungur og ef ástandið stendur mjög lengi versnar útlit útlimsins smám saman!
 
Meðferðarúrræði eru ekki upp á marga fiska. Svo ég verð sennilega bara að halda áfram að vera með hendi sem sífellt verður bólgnari og bólgnari (sérstaklega þegar ég vakna á morgnanna!) Með hjartslætti og hræðilegum náladofa - alveg upp í handakrika...!!! -

Flestir eru þó sammála um að engin lyf dugi en hvetja eigi sjúklingana að hreyfa sig og stunda hæfilega líkamsrækt; sprautugjafir og blóðþrýstingsmælingar er hægt að framkvæma á hinum handleggnum.

Það hjálpar oft að nota teygjuumbúðir sem veita hæfilegan þrýsting og koma þannig í veg fyrir að bjúgur safnist á útliminn og getur þetta m.a. skipt miklu máli ef farið er í flugvél.  Ég man eftir að hafa séð augl. einhversstaðar þar sem seldar voru flíkur til að klæða sig í og um leið örva sogæðakerfið! - MUNIÐ ÞIÐ HVAR HÆGT ER AÐ NÁLGAST ÞETTA!???

Gerðar hafa verið tilraunir með tvær tegundir skurðaðgerða sem lofa nokkuð góðu. Æ NEI EKKI SKERÐA MIG MEIRA!

Stundum er hægt að tengja skemmdu sogæðarnar við bláæðar og veita vökvanum þangað; þetta eru vandasamar aðgerðir sem heppnast stundum vel og stundum ekki.

Einnig hefur verið reynt að beita fitusogi á útliminn og fjarlægja þannig fitu undirhúðarinnar og hefur stundum náðst góður árangur á þennan hátt. Um öll þessi úrræði getur viðkomandi skurðlæknir veitt upplýsingar. 
ÉG æTTI AÐ FÁ MÉR STÓRAN SKAMMT AF ÞESSARRI MEÐFERÐ! - ;-)))))))

p.s ...
flestar þær upplýsingar sem fylgja með inn á bloggið mitt - eru teknar út af vef laekning.is - ...
þannig að þangað ættuð þið að halda ef ykkur vantar upplýsingar um hvað gæti verið að YKKUR! :-)))

p.s.s.
ÆTLI ÞAÐ SÉ TIL LÆKNING VIÐ FORVITNI!???