Föstudaginn 22 júní - tókum við okkur til að kvöldi til vinnukonurnar og ég og löggðum upp í ferð á hestunum - stefnan tekin á Leifsstaði, en við vorum ákveðnar í að gera ferðalagið að skemmtun en ekki að pínu - (svo 3ja tíma reið var talin passleg fyrir hrossin og okkar á dag - eða þar um bil!) Þá var búið að vera í heyskap allan daginn - og mjólka -  Duglegar??? -

Við teymum í okkar ferð -
Allar höfðum við 3 til reiða - og ein 4, og alls voru 16 hross tekin með fyrsta kvöldið -
Ferðin gekk vel og við vorum komnar aftur heim kl; hálf eitt - (löggðum af stað um 21 frá Lágafelli) -

Næsta dag Laugardag var farið frá Leifsstöðum klukkan 15 - og stefnan tekin á Fell í Fljótshlíð - ég hef aldrei séð annann eins fjölda af tjöldum og tjaldvögnum eins og í Fljótshlíðinni þennan dag - allsstaðar virtust vera ættarmót! -
Enn var riðið eins, en Carmen kom svo úr vinnunni um 17 og bættist í hópinn við StóraDímon og reið með okkur þaðan og inn að Felli -
Við hröðuðum okkur svo allar heim að mjólka, og seint um kvöld voru 4 vinnukonur og 3 krakkar - fluttir ólöglega á Pajero upp í bústað á Felli - en ég snéri aftur við heim til að mjólka um morguninn - "Hjálpaði Halldóri fram á nótt að heyja í turninn - Hann var þá að verða fullur og lítið þurfti til að fylla hann alveg!"

Við skiptum liði - vinnukonurnar fengu að vera í skálanum að Felli frá Laugardagskveldi fram á Sunnudag -
Á meðan ég og Halldór sáum um búið (krakkarnir voru allir með í Skálanum að Felli og fannst rosalega gaman að upplifa fjöllin og náttúruna í kring! - MEÐ FULLAR FÖTUR AF FJALLAKÖNGULÓM og sprettköngulóm!) -

Á sunnudeginum vorum við Halldór föst heima í heyskap en komum í Fellskálann seint um kvöld - til að borða grill með stelpunum og krökkunum og keyrðum svo langleiðina inn að Emstrum - komum til baka í skálann um tvö um nótt - en svo á Mánudagsmorgni komu Tamara og Ingibjörg með okkur heim að mjólka - og Carmen var keyrð í vinnu - eldsnemma um morguninn (við vorum búin að öllum verkum um 11 um morguninn) - Við redduðum ýmsu í Hvolsvelli - sóttum Carmen aftur og þegar klukkan var að verða 16 að deginum fórum við stelpurnar aftur upp að Felli til að fara á hestbaki upp að fossinum sem gnæfir þarna yfir Felli - og tókum krakkana alla með í ferðina -  Strákarnir tvímenntu á Ölfu minni, ég reiddi Bergrúnu á Freyju og allir voru einhesta - Það var rosaleg gaman að fara þetta og allir skemmtu sér konunglega - strákarnir voru aðdáðunarverðir saman á henni Ölfu því að þeir sátu svo fallega á henni og stýrðu - þrátt fyrir brattann!!! - 
Svo var farið til annarra verka; Carmen skilin eftir með börnin og til að undirbúa matinn en við fórum allar heim að hjálpa Halldóri við mjaltir og hey - 
Og þegar búið var að mjólka og redda heyjum var aftur farið upp í Fell - og borðaður góður matur hjá henni Carmen -

Samningur var gerður um að ÞÆR færu allar heim að mjólka - og við fengjum að sofa út í morgun sem stóð og vá hvað það var gott að geta loksins sofið eins lengi og maður vill í morgunkyrrðinni - "það eina sem truflaði var síminn - en ég var fljót að þagga niður í viðkomandi manneskju og segja henni að þarna hefði hún gert stór mistök - ÉG VÆRI NEFNILEGA SOFANDI!!!" -
Stelpurnar komu aftur í skálann kl 12 - og þá var farið í það að þrífa og taka til og koma hnökkum og beislum í fjárréttina, og koma Halldóri af stað heim á leið með börnin til að sinna heyjum og svo riðum við niður að KaffiLangbrók - þar sem hrossin eru núna og núna stendur til að koma heim yfir sanda á morgun miðvikudag - eftir að búið verður að heyja og mjólka og Carmen verður búin að vinna!!! -

Ótrúlegt hvað hægt er að skipuleggja sig þegar maður er duglegur að ÆTLA EITTHVAÐ - og FRAMKVÆMIR ÞAÐ!

Hér eru allir sælir þrátt fyrir miklar annir - reynt hefur á þolinmæði allra en nú er hópurinn orðinn samheldinn og samvinnuþýður - bæði hross og menn - Okkur hlakkar til að komast síðasta spölinn á morgunn og til að komast í það að "fara höndum yfir þetta yfirgefna heimili LÁGAFELL - þar sem enginn hefur komið inn nema bara til að henda einhverju frá sér eða til að grípa eitthvað í fljótheitum" Það er nefnilega svo að heimili þarf að halda til að þau séu "gestvæn" en hver er að hugsa um gesti - þegar verið er að hugsa um sjálfan sig og sálartetrið -

Við erum upptekin við annað núna -
Reynið við okkur seinna!

Bestu kveðjur
Sæunn