Langar að segja ykkur stutta sögu sem tengist uppvaxtar árum mínum!

Varð hugsað til þess fyrir skemmstu að sennilega eru börnin okkar í of mikilli pressu frá nútímanum - vegna þess að þau virðast ekki geta BÚIÐ SÉR TIL LEIKI - heldur verða að fá alla hluti upp í hendurnar "TILBÚIÐ" úr pakka til að skilja til hvers hlutirnir eru ætlaðir -

Á þessum tíma fyrir ca "5árum síðan" - eða þegar ég var um 11 ára gömul - þá var ég HÆTT Í SKÓLA og komin upp í sveit - og farin að andskotans um holt og börð -

En nútíminn er trunta og mín börn þurfa að þola það að sitja inni í kennslustofu og "LÆRA" þegar úti er tíminn þegar þeir sem eitthvað vilja læra ættu að vera úti og fylgjast með því þegar "pöddurnar skríða úr púpunum, fuglarnir birtast í hlaðvarpanum + týna til allan "fjáran" til að mynda sér hreiður, dýrin fara úr hárum og ungviðið fer að fæðast og koma undir sig löppunum" -

En NEI - nútímabörnin verða að vera inni í skólastofu og LÆRA AF BÓK - (sem sagt á góðri leið með að verða algjörlega "gerilsneidd" af NÁTTÚRU og eru að verða svokallkölluð "rúgbrauð" því þau skortir alla getu til að hreyfa sig! -

Nútíminn nefnilega krefst þess að þeir sem ætla að verða eitthvað þegar þeir verða "STÓRIR" - geti reiknað í "VaxtavíxlvísitöluNASTAKneysluprósentkrónukjörgengibreytu" og þar með þurfi þeir að sitja svo og svo marga klukku tíma í viku fyrir framan TÖLVUSKJÁI við SKRIFBORÐ í LITLU LOKUÐU RÝMI ásamt fjölda annarra barna NÚTÍMANS - til að æfa sig í því að LEGGJA HÖFUÐIÐ í BLEYTI og verða þar með að "HEIMSMANNI/KONU" - sem sómi er af!  (ÞAÐ ER AÐ SEGJA NÝRÍKUM BUISSNESS GÆJA/PÍU SEM VEIT EKKI AURA SINNA TAL og TROÐA VENJULEGA Á ÞEIM HINUM SEM MINNA MEIGA SÍN Í ÍSLENSKU SAMFÉLAGI - TIL AÐ TRYGGJA AÐ ÞEIRRA VELDI HRYNJI EKKI.... - en áfram með mína sögu!)

Vegna ungs aldurs foreldra minna, ólst ég mikið upp hjá ömmu minni og afa í sveitinni vestur í Dölum. Mamma og pabbi eru ógeðslega dugleg og hafa alla tíð unnið mikið og vel til að koma sér fyrir í lífinu en ég er svokallað slysaskot, KVISS BANG - og var komin áður en lög gerðu ráð fyrir svo amma og afi löggðu sitt af mörkum og hjá þeim var ég mikið til fyrstu árin mín og öll sumur lengi vel - því hjá þeim var LÍFIÐ - fyrir kröftuga stelpukind eins og mig!

Amma mín Þórdís, er fædd árið 1924. (frá Sælingsdal) og hún flutti ásamt karli sínum Guðmundi, fæddur 1927 (frá Mjóabóli) og barnasúpunni (eignuðust 8 börn, eitt andaðist) til að búa á "stórbýlinu" Ketilsstöðum í Dalasýslu.

Guðmundur afi - var lengi Hreppstjóri, oddviti, í kirkjusókn og í fleiri fleiri ráðum og nefndum á vegum Dalasýlu og ég ólst upp við það að fylgjast vel með því sem fór fram í sveitinni minni og gera verkin mín vel heima -

Ég hef sennilega verið hálfgerður farfugl þegar ég var krakki, - fór vestur með fyrsta "skipi" að vori (oft um svipað leiti og sumardagurinn fyrsti gekk í garð og stundum fyrr) og heim með því síðasta að hausti (eða eftir réttir) -

Ég man það þegar ég komst í ham þarna fyrir 5 árum, þá gaf maður ekkert eftir - það var vaknað fyrir allar aldir til að fylgjast með náttúrunni vakna til lífsins eftir langan og dimman vetur.  Skurðir voru stíflaðir, drullubúið lagfært eftir veturinn - svo og skeljasafnið og beinasafnið - EN JÁ - ég lék mér að legg og skel þegar ég kom í sveitina - og er sennilega með SÍÐUSTU ÍSLENDINGUM sem það gerðu að einhverri alvöru, því að núna er hverju mannsbarni BANNAÐ að borða heilbrigðan mannamat - það skal éta allt sem er nægilega mikið rotvarið og "sterilserað" - því að jú - nútímamaðurinn er ekki gerður fyrir svona GAMALDAGS SIÐI eins og að éta MAT sem er ekki nægilega mikið unninn og í neytendapakkningum! - (eins og það sé einhver synd að borða mat sem er heimaunninn og ekki settur í umbúðir!?)

Aldursmunurinn á mér og þeim; (ég fædd 1973) gerir það að verkum að ég hef fengið að upplifa það hvernig það hefur verið að vera mótaður af GAMLA TÍMANUM en búið við það að skilja NÚTÍMAN - Ég skil vel þeirra hugsun að nothæfa hluti geymir maður og varðveitir, safnar aurum inn á banka til mögru árana - og ef eitthvað stendur út af eftir að allar skuldir hafa verið uppgerðar, þá má leyfa sér eitthvað aukalega - enda held ég að ég eyði ekki mikið í "vitleysu" - nothæfa hluti má vel nota þar til þeir eru handónýtir - og margir hlutir hér DUGA - þó þeir séu ætlaðir í aðra hluti!

Mér hefur verið kennt að nýta hlutina, leysa úr vandanum með næst bestu lausninni ef sú besta er ekki fáanleg, og vinna mig út úr vandræðum, -  

Það er þeirra vegna að hef ég svona mikinn áhuga fyrir landbúnaði - og mér verður veittur sá heiður í dag að taka á móti henni ömmu minni, en hún er búin að tilkynna mér það að hún hefur í hyggju að fá að vera hér hjá mér í um það bil 2 sólarhringa -

OG mér finnst okkur sýndur mikill heiður - þar sem hún amma er að mínu mati kvenna mest og best fyrir ráðvendni og dugnað! Heiður þessarar heimssóknar er sér í lagi mikill því að sú gamla fæst helst aldrei til að ferðast neitt því hún hefur alltaf svo mikið að gera heima! -

Hún vaknar fyrst allra að morgni og fer síðust að sofa að kveldi - notast ALDREI við vekjaraklukku, maturinn hjá henni er ALLTAF á réttum tíma og húsið ALLTAF hreint og strokið, - (svo sennilega verð ég að herða mig ef ég ætla að NÁ HENNI að kostum! ) -

Ég verð að segja - og sennilega er það mont að MÉR FINNST ég vera heppin að EIGA BESTU ÖMMU og BESTA AFA sem til eru í öllum heimi hér - því hjá þeim lærði ég svo margt sem mér hefur reynst vel í lífinu - og því fór ég að tala um NÚTÍMABÖRN OG SKÓLAVISTUN ÞEIRRA því skilaboð mín eru að sennilega er náttúran og samskipti ÖMMU OG AFA, MÖMMU og PABBA, það sem kennir börnunum manns mest og best - (skólagangan er bara auka - ef við viljum að börnin læri eitthvað almennilega - læra þau það mest og best af því að fá að taka þátt í lífinu með okkur í náttúrunni - en ekki inni í skólastofu endalaust!)

Amma og afi kenndu mér m.a. á hest, - þau létu mig týna blóm í vasa til að hafa fallegt inni og kenndu mér í leið á blómin, ég týndi steina og afi sagði mér frá þeim og lífsgildi þeirra móta mína hugsun í dag, eitthvað sem ég ber svo áfram í mín börn!

Hvernig eru samskipti ykkar við YKKAR fjölskyldu!???
Hvað er langt síðan þið hafið farið út í náttúruna bara til að heyra hljóðin og finna lyktina af rokinu og rigningunni, eða ferskri mold þar sem blómin eru að skríða fram?
Hvort mótuðust þið meira af skólagöngunni eða samskiptum við ættmennin!?
ERUM VIÐ Á RÉTTRI LEIÐ MEÐ ÞVÍ AÐ LOKA BÖRNIN OKKAR INNI Í SKÓLASTOFU Á MEÐAN MESTA LÍFIÐ ER Í NÁTTÚRUNNI???

ÉG er farin að reyna að klóra yfir mesta skítin áður en sú gamla birtist - því hún hefur ALDREI með allan þann mannfjölda sem í hennar húsum hafa verið - komist í annað eins HREYSI og hér - EF HÚN KEMUR AÐ KOFANUM SVONA ÚTLÍTANDI!


Dæmi saga af ömmu; (bara sett hér inn til gamans!)
Hún er einn besti hestamaður sem ég hef komist í að ríða út með; (en vegna aldurs hefur hún reyndar ekki komið á bak í einhver ár) -
Man það að einu sinni fórum við að vori (sennilega fyrir sumardaginn fyrsta) 
ríðandi með henni milli bæja því hún þurfti í klippingu og kella snaraði sér á bak á Sokka gamla - með gjörðina óspennta (lafði laus niður í jörð) og svo dilluðu þau sér svo skvekkti toppi og tagli heim á leið en oftast farið fljótt yfir völl! 
Enginn tók eftir því að gjörðin lafði laus fyrr en áð var - en þá rak einhver augin í það að sennilega kæmist kerla ekki niður með óspennta gjörðina - þó að hún hafi komist upp án þess að velta yfir hrygg á klárnum!   Svona var hún amma mín nú liðug að komast í hnakkinn - sæi það að ég gæti farið í sporin hennar! Liggur við að það þurfi lyftara til að koma mér á bak - því ég er orðin svo stirð og gömul! hahahaha


OG JÁ - SPÓINN ER KOMINN!!!

Bestu Sumarkveðjur
Sæunn