Sæl - ÉG ER ALSÆL!

Ég er búin að tala um það í ótal mörg ár að miðað við mína starfsdaga í gegnum árin þá hljóti ég að eiga rétt á því að hætta ALGJÖRLEGA AÐ VINNA þegar ég verð 67 ára - því að mínir starfsdagar hófust þegar ég var um 10 eða 11 ára gömul - "þá að passa læknasoninn í Vestmannaeyjum þegar foreldrunum vantaði aðstoð" - (líka á næturnar) - Þegar ég varð 12 ára var ég komin í fiskvinnslu (saltfisk með öllum hinum vinkonum mínum eftir að skólinn var búinn) - og passa börn ALLAR STUNDIR SEM ÉG ÁTTI FRÍAR - um 15 ára aldurinn var ég komin í vinnu við að flaka og fletja fisk bæði fyrir og eftir skóla; um helgar og í flestum jóla og páskafríum; ég pakkaði grálúðu á næturnar í Ísfélaginu í Vestmannaeyjum áður en ég mætti í skólann ef ekkert var að gera í saltfisknum, passaði börn öllum stundum, afgreiddi hamborgara og pulsur í Pulsuvagninum og svo fór ég líka oft í spariföt og tók af borðum og afgreiddi á veitingastað í Eyjum - (sem sennilega má ekki nefna því ég var sannarlega undir aldri þegar þetta var) -

Ég átti sem sagt langan vinnuferil að baki þegar ég náði 18 ára LÖGaldri = hafði þá unnið við hin ýmsust störf í frítíma; og með skóla og í dag þykir mér það ekki leiðinlegt að hafa prófað þetta allt - Enda hálfgerður vinnualki framan af ævi - og fólkið í ættinni hreinlega HATAÐI MIG vegna þess að ég gat aldrei stoppað - vakti fólkið mitt upp á frídögum til að REDDA EINHVERJU sem það hafði beðið um að fá aðstoð við eða til að fá einhvern með mér í hesthúsið eða til að gera eitthvað skemmtilegt - ef enginn vildi þýðast mig eyddi ég tíma í garðinum hjá mömmu við að moldvarpast og líka heima í sveitinni hjá ömmu og afa; ALLIR SEM KOMU Í HLAÐ FENGU DÝRYNDIS BLÓMAVENDI ÚR GARÐINUM og ég var hreint ofvirk - (er enn!)

Ég hef ekki bara verið moldvarpa og grútskítug í sveitinni á sumrin hjá Afa og ömmu því ég get líka verið óttaleg snyrtibudda; vann til dæmis við að þjóna til borðs uppi í Grilli á Hótel Sögu og í Súlna Sal heilan vetur eða á meðan ég lærði eitthvað fag í skólanum tengt þjónustu og ÞAÐ VAR FRÁBÆR TÍMI - (skemmtilegt að vinna svona vinnu innan um fullt af fólki; og svona hrein og fín alla daga!:-) - Vann líka einu sinni við að afgreiða á kassa, setja í hillur og fleira í einni af stærstu verslun á StórHafnarfjarðarsvæðinu; en það átti illa við mig - þó að mér hafi í raun aldrei leiðst nein vinna - ekki svakalega allavega - Með náminu í Fjölbraut í Garðabæ vann ég við að þrífa inni á heimilum í Garðabæ; hjá fólki sem átti erfitt um vik af einhverjum ástæðum - þar kynntist ég mörgu frábæru fólki sem átti margt mjög bágt en stóð sig óendanlega vel í lífsbaráttu sinni - Ég bjó hjá Lovísu frá Hítarnesi; fallegri og greindri konu á áttræðisaldri heilan vetur - (blessuð sé minning hennar) og hún kenndi mér margt um lífið enda sönn lífskona og yndisleg í alla staði. 

Ég hef af öllu þessu lært að vinna og tel mig í flestu geta tekið til hendinni og tel mig gera það vel! Ég er óhrædd við að verða skítug og ég vil endilega hjálpa til þegar ég sé að mín er þörf - (er ekki sú týpa að ég þurfi nauðsynlega að sitja á rassinum og fylgjast með!) - Ég get skipt um dekk á bílnum mínum sjálf; skipt á barnsrössum; bakað og eldað ofan í stóran hóp af fólki og dekkað upp á borð; en skemmtilegast finnst mér samt að vinna við það sem við Halldór erum að vinna við núna - að vinna á Lágafelli; með öllu því sem því tilheyrir - (ég mundi hinsvegar vilja vera eins og Halldór - meira í vinnu úti við; við að sinna um býlið - en ekki á þessum endalausa þeytingi með börnin í skólann og úr tómstundastarfi og í reddingum - því að mér finnst hvergi leiðinlegra en þegar ég sit undir stýri á bíl - (ég er líka svo helvíti bílveik að það á illa við mig að vera á þessum þvælingi (verð bæði slöpp og leið í skapi!)) -
En hvers vegna er ég að segja ykkur þetta allt???

Jú - ég nefnilega hef komist að því að það VERÐUR LÍF ÞEGAR ÉG VERÐ 67!
ÉG ÞARF EKKERT AÐ HALDA ÞAÐ AÐ ÉG ÞURFI AÐ EIGA RÉTT Á ÞVí AÐ SETJAST Í HELGAN STEIN - og eyða ellinni í "ELLISMELLALÍF" -

Ég fór nefnilega með henni mömmu minni að sjá Sir Cliff Richards um daginn í Laugardalshöll og HANN er ótrúlegur maður; þannig ætla ég að vera þegar ég verð 67  - að vinna að því sem mér finnst skemmtilegast í lífinu - og vera svona ótrúlega spræk eins og hann; "Hann var bara alveg ágætur - þó ég hafi búist við að hann yrði kannski með 3ja vasaklúta ballöðu prógramm!" Og það sem kom á óvart er að hann er prófessíonal músíkant frá toppi til táar; ROKKARI AF GUÐS NÁÐ, - Hann hefur músíkina í blóðinu = það sá ég á þessum tónleikum!
 
Hann er líka svakalegur "showisti" og getur heillað "hvaða konu sem er upp úr skónum með sjarma sínum - þó hann sé 67!"  Hann hoppaði og dillaði sér; sveiflaðist um sviðið og söng frá því prógrammið hófst á SLAGINU 20.00 í 1 og hálfan tíma og svo var gert hálftíma hlé og aftur í klukkutíma eftir hlé og það sá ekki á hans "plast" andliti að það tæki á hann að djöflast svona; Hélt á einhverjum tímapunkti að "HANN" færi að drepa sig á þessu sprikli - og mig langaði að fara að spyrja þá sem næst mér stóðu hvort þeir vissu hvort að "HANN" væri veill fyrir hjarta og tæki hjartatöflurnar sínar reglulega!  EN HANN BARA VAR Í GÍR og það var ákvaflega gaman að upplifa þetta - Ég kom endurnærð til baka;  - þó að það hafi verið fyrir mömmu gert að kaupa þessa miða = Ég sem sagt ólst upp við það að heyra í þessum "karli" vegna þess að MAMMA ÁTTI PLÖTURNAR og SPÓLURNAR en hann náði mér alveg þarna á tónleikunum og EF 'EG EINHVERNTÍMA GIFTI MIG - þá vil ég endilega nota fyrstu ballöðuna sem hann söng þarna um kvöldið - en lagið fjallaði um það að ELSKA ÞANN SEM MAÐUR VELUR SÉR SEM LÍFSFÖRUNAUT með öllum kostum og göllum; taka hverjum degi sem óvæntri gjöf og ég held ég hafi aldrei heyrt þetta lag áður en ÞAÐ SITUR Í HUGA MÉR og ég verð að finna það út hvað það heitir til að lofa ykkur að heyra (svo alheimur viti þá langar mig að gifta mig einhvern daginn þó ég verði að draga KARLINN MINN upp að altarinu (eða finna mér nýjan??? hahahahahaha!!!) -

En bara svo þið vitið það þá á Cliff Richard heimasíðu og þar er hægt að heyra flest hans lög spiluð daginn út og inn; sjá vörurnar sem hafa verið gerðar í mynjagripaversluninni sem hann rekur og karlinn er meira að segja með blogg en ég er svo mikill bjáni að sækja um aðgang að svona síðum að ég hef enn ekki séð þau skrif EN maður verður að hafa aðgang til að nálgast þessi skrif hans!
Það kom mér líka á óvart að hann er einn stærsti "LIVE AID" tónlistarmaður í heimi og hann er mikill náttúruverndarsinni!   Gaman væri að láta hann heyra náttúruvernarhugsun "Sæunnar"! (hahahahaha!!!)

En jæja - nú verð ég að hætta - langaði bara að klára þennan texta - sem mér finnst enn ekki tilbúinn en ég ætla að hætta núna til að hjálpa FH við að klára heimanámið og elda - en verð hér aftur bráðum því ég verð að komast í það að gera upp síðustu viku - enda hellingur búinn að gerast sem ykkur finnst sennilega skemmtilegt að lesa um - "HEFUR EINHVER AÐSTOÐAÐ VAL MÓÐURBRÓÐIR VIÐ AÐ FINNA SÍÐUNA MÍNA????" -
Bestu kveðjur úr sveitinni
Sæunn